Марафон грамадзянска-патрыятычных акцый "Мы ведаем! Мы памятаем! Мы ганарымся!"

У рамках марафона грамадзянска-патрыятычных акцый "Мы ведаем! Мы памятаем! Мы ганарымся!" у нашай установе прайшла акцыя "Беларусь мірная - Беларусь прыгожая!" да Дня Незалежнасці Рэспублікі Беларусь.

Что мы Родиной зовём?

Солнце в небе голубом.

И душистый, золотистый,

Хлеб за праздничным столом.

Что мы Родиной зовём?

Дом, где мы с тобой растём,

И берёзки, вдоль которых, взявшись за руки, идём...

Беларусь 3 ліпеня адзначае Дзень Незалежнасці - гэта не толькі галоўнае дзяржаўнае свята, сімвал нацыянальнага гонару, але і даніна гераізму і мужнасці беларусаў.

Дзень Незалежнасці - гэта свята ўсіх, каму дарагія нашы агульныя каштоўнасці: любоў да Радзімы, жаданне працаваць для яе працвітання, добрыя адносіны да блізкіх і родных людзей.

Напярэданні свята праведзены гутаркі "Сімвалы нашай Радзімы", "Беларусь сінявокая", выхаванцы гулялі ў беларускія народныя гульні, размалёўвалі размалёўкі па тэме "Сімвалы Беларусі", слухалі гімн, чыталі вершы пра Радзіму. Дашкольнікі таксама даведаліся аб тым, як змянілася, папрыгажэла і адужэла наша краіна за 80 мірных гадоў. Педагог расказала выхаванцам, што 3 ліпеня для кожнага беларуса – гэта напамін пра тое, якім коштам былі заваяваныя незалежнасць і свабода нашай дзяржавы. Гэта свята ўсіх, хто ганарыцца сваёй краінай.

9 мая - Дзень Перамогі, святое для кожнага з нас свята і мы, грамадзяне краіны, абавязаны перадаць памяць і традыцыі святкавання Дня Перамогі будучым пакаленням.
У дзяржаўнай ўстанове адукацыі "Цепленскі дзіцячы сад Уздзенскага раёна" ў мэтах фарміравання асноў грамадзянска-патрыятычнага выхавання дзяцей дашкольнага ўзросту, прайшоў тэматычны дзень да Дня Перамогі і грамадзянска-патрыятычная акцыя "Не зарасце сцежка памяці".

Акцыя "Не зарасце сцежка памяці" прымеркавана да Дня Перамогі. Яна мае на ўвазе пад сабой наведванне дзецьмі і іх бацькамі памятных мясцін, звязаных з падзеямі Вялікай Айчыннай вайны, з ускладаннем кветак і правядзеннем хвіліны маўчання.
Выхаванцы правялі шэсце "Несмяротны полк" вакол дзіцячага сада да помніка загінуўшым у гады Вялікай айчыннай вайны, усклалі кветкі. У гэты дзень у дзіцячым садку гучалі песні ваенных гадоў.

Педагог правяла з дзецьмі гутаркі, пагаварыўшы аб подзвігах салдат. Арганізавалі ў дзіцячым садку і выставу малюнкаў, прысвечаную майскім святам.

У рамках марафону грамадзянска-патрыятычных акцыяў "Мы ведаем! Мы памятаем! Мы ганарымся" ў дзяржаўнай установе адукацыі «Цепленскі дзіцячы сад Уздзенскага раёна» прайшоў шэраг мерапрыемстваў.

1 мая ўся краіна адзначае свята Вясны і працы. Гэта вясновае свята салідарнасці працоўных розных краін. Гэта свята ўсіх, хто працуе, свята людзей розных прафесій: працоўных, вучоных, урачоў, настаўнікаў. Ён увасабляе вясну з яе вечнымі законамі абнаўлення і адраджэння, высокія чалавечыя памкненні да стварэння і згуртаванасці.

Арганізацыя на тэрыторыі ўстановы дашкольнай адукацыі "дзіцячага суботніка"

Зялёная акцыя «Пасадзі дрэва з дзіцем»

Таксама педагог пазнаёміла дзяцей з гісторыяй і традыцыямі свята, правяла гутаркі аб свяце з разгляданнем ілюстрацый.

У рамках акцыі "Ёсць такая прафесія - Радзіму абараняць!", прымеркаваная да дзяржаўнага свята "Дзень абаронцы Айчыны і Узброеных Сіл Рэспублікі Беларусь", у дзяржаўнай установе адукацыі "Цепленскі дзіцячы сад Уздзенскага раёна" прайшоў шэраг мерапрыемстваў.
Свята 23 лютага ў дзіцячым садку - добрая нагода для выхавання ў дашкольнікаў пачуцця патрыятызму, датычнасці да лепшых традыцый сваёй краіны, фарміравання ў дзяцей гонару за слаўных абаронцаў Айчыны. Гэта свята ўсіх людзей, якія стаяць на варце нашай Радзімы. Гэта свята сапраўдных мужчын - смелых і адважных, спрытных і надзейных, а таксама свята хлопчыкаў, якія вырастуць і стануць абаронцамі Айчыны. Такія мерапрыемствы, праведзеныя з дзецьмі, закладваюць у іх душах зярняткі патрыятызму, пачуцці абавязку перад Радзімай.
У ДУА «Цяпленскі дзіцячы сад Уздзенскага раёна» праводзіліся розныя мерапрыемствы, прысвечаныя гэтай даце: чытанне мастацкай літаратуры, гутаркі, разгляданне ілюстрацый па тэме, адгадванне загадак, маляванне, лепка па тэме. З вялікай цікавасцю выхаванцы з дапамогай выхавальнікаў выраблялі з рознага матэрыялу падарункі для любімых тат, дзядуляў

23 лютага ва ўстанове прайшло спартыўнае свята «Ёсць такая прафесія - Радзіму абараняць», прысвечанае дню Абаронцы Айчыны. Дзеці з запалам удзельнічалі ў спартыўных конкурсах, праяўлялі кемлівасць, шпаркасць, спрыт. Дзяўчынкі павіншавалі хлапчукоў, ва ўрачыстай форме падарылі ім памятныя медалі.

Выстаўка малюнкаў «Мой тата абаронца і герой»

Таксама ў рамках акцыі "Ёсць такая прафесія - Радзіму абараняць!", выхаванцы дзяржаўнай установы адукацыі "Цяпленскі дзіцячы сад Уздзенскага раёна" разам з законнымі прадстаўнікамі правялі паход выхаднога дня на мемарыяльны комплекс "Брэсцкая крэпасць-герой".

У Мінскай вобласці стартаваў марафон грамадзянска-патрыятычных акцый "Мы ведаем! Мы памятаем! Мы ганарымся!".

Мэта марафону акцый - удасканаленне дзейнасці ўстаноў дашкольнай адукацыі ў пытаннях фарміравання грамадзянска-патрыятычнай культуры ў дзяцей дашкольнага ўзросту; стварэнне ўмоў і сітуацый, якія дазваляюць законным прадстаўнікам выхаванцаў і педагагічным работнікам устаноў дашкольнай адукацыі ў працэсе арганізацыі сумеснай дзейнасці праяўляць свае патрыятычныя пачуцці і грамадзянскую пазіцыю.

Афіцыйным арганізатарам марафону акцый ва ўстановах дашкольнай адукацыі Уздзенскага раёна з'яўляецца ўпраўленне па адукацыі, спорце і турызме Уздзенскага райвыканкама. Удзельнікамі марафона з'яўляюцца педагагічныя работнікі ўстаноў дашкольнай адукацыі, выхаванцы сярэдняга і старэйшага дашкольнага ўзросту і іх законныя прадстаўнікі.

Марафон акцый прадугледжвае правядзенне на працягу 2023/2024 навучальнага года пяці акцый, прымеркаваных да дзяржаўных свят і агульнарэспубліканскіх святочных дзён: Дзень абаронцы Айчыны і Узброеных Сіл Рэспублікі Беларусь, Дзень працы, Дзень Перамогі, Дзень Незалежнасці Рэспублікі Беларусь, Дзень народнага адзінства.